Well,
This is an old news “2 weeks actually” but I have gained 300000 points from Experts-exchange.com in the Exchange server zone only, actually I am from the top 15 player but because I am so busy I cannot become from the top 5.
This is so important step looking forward to the sage level. J
By the way I am on the top of the OCS section.
امممم
اليوم واحد سبتمبر و هذا يعني انه مرت سنة بالتمام و الكمال و انا في شركتي العزيزة سينرجي ، سنة كاملة عملت خلالها في اروع شركة يمكن ان اعمل بها ، انا مش بقول كده لانه انا عضو في الشركة ، او لانه كل ايامي كانت هنا و سرور ، لقد عملت بجد مع افضل فريق يمكن ان اعمل معه على الاطلاق
بيئة ساعدتني على الابداع و التألق ، اناس صقلوا من مواهبي و قدراتي ، اعطوني الفرصة و وثقوا في قدراتي
عملت باكبر المشاريع و افخم الشركات معهم
فعلا انا سعيد بعملي و انضمامي هناك
اشكر اخوتي : رضا شريف و احمد وائل و طارق اسماعيل و محمد حمودة و عصام شفيق على تعاونهم و عملنا معا كفريق
اشكر الشخص الذي اصر ان اكون افضل من الافضل و اعطاني الفرصة محمد مرزوق
اشكر مديري عادل البير
اشكر مدير الشركة الذي وثق في قدراتي و اعطاني الفرصة الذهبية و الذي امل اني لم اخيب ظنه وائل خطاب
اشكركم جميعا و اتمنى ان نرى سينرجي في تألق السنة القادمة
-----
بعض انجازاتي السنة الماضية في سينرجي:
- الحصول على MCSA(Messaging)
- الحصول على MCSA security
- الحصول عل ىMCSE security
بعض من مشروعاتي السنة الماضية:
- مشروع الابجريد للمنظومة كاملة و التخطيط لل Migration في منظمة الصحة العالمية
- عمل الابجريد بشركة Mcdonalds
- عمل و تصميم منظومة امن المعلومات ب Nathan
- تركيب و تنفيذ البنية التحتيه لل Live communication server باوراسكوم تيليكوم
ده اللي فاكره بس هما اكتر من كده
سنة حلوة عليا يا سينرجي و من تألق الى تألق
ربما تراكمت علينا الاحداث الكثيرة و المقرفة في الفترة الاخيرة مما حذا بالبعض الى تجنب التفكير تماما
بل و الادهى انه انت اصبحت في خطر اذا فكرت
الحادث ده اتقالي بالنص كنت في اجتماع و طلب مننا حل معضلة في الشبكات و الكل تمسك رأيه فقلت اذن لنفكر بطريقة اخرى ، وجدت وجوم في المنطقة وواحد مال عليا و قاللي نفكر !!!!!!
و كأني طلبت منه انه يقلع عريان (اسف )
المشكلة انه انا بفكر و اصبحت غريب في مجتمعي الذي اصبح من يفكر فيه متهما بتهمة الخيانة العظمى
مشكلة اصبحنا نعانيها في المقابلات التي نجريها للوظائف في شركتنا ، عملنا امتحان ذكاء مكون من 6 اسئلة (اكتر من كده لقينا انه الناس بتطول بشكل غير طبيعي)
احد الاسئلة : في البيت 3 تفاحات اخدت و انت نازل من البيت اتنين يبقا معاك كام ؟ بسيطة مفيش اي عقد لو انت يعني تخيلتها حيكون معاك اتنين ، لقينا انه محدش بيجاوب ناس تقول 3 و ناس تقول واحد (واحد قال معاييش ولا تفاحة)
و لانه الاغلبية جاوبت واحد روحنا قولنا نسهل السؤال و عكسناه (معاك في البيت 3 تفاحات اخدت و انت نازل اتنين يبقا في كام في البيت) مش عارف اقول ايه بس و الله كما تتوقعوا الكل جاوب 2
سؤال تاني (في ولاية كاليفورنيا هل يجوز لرجل انه يتجوز اخت ارملته) سؤال سخيف مش كده
خد بقا عندك
اه ينفع
معرفشي
اكيد
بس في اتنين جامدين جدا جدا جدا
واحد قال
انا مسافرتش كاليفورنيا و انا لا اعرف القوانين هناك
التاني الجامد اوي
في امريكا قانون يمنع الرجل من الزواج باتنين
فانا في خطر يا رجالة ، انا افكر و هذه مشكلة ، انا افكر في امور بسيطة و غالبا سيتم سن قانون بمنع التفكير قريبا و ربما تسمعوا عني في الاخبار (القبض على عميل خائن بتهمة التفكير)
لذا متفكروش ، لانه الغباء و البلاهة و التفاهة اصبحت هي القيمة ، و اذا قبض علي فقولوا عني اني مكونتش عايز افكر بس كنت مريض بفيروس المخ و التهاب العقل و اني حاولت بس مقدرتش
و في الاخر انا عندي واوا عايز حد يبوسهالي
قريت كتير اخبار و بلوجات بتتكلم عن مدى مجون الغرب و عربدتهم الجنسيةوقريت بلوج من قيمة ساعة بيتكلم عن مظاهرة في اسرائيل و البنات كانوا يتعرون علشان يلفتوا الانتباه ليهم
و زعلانين من المجون و ممارسة الشذوذ في الغرب و اباحته
و زعلانين انه المجندات في الجيش الاسرائيلي بيمارسوا الجنس مع الجنود للترويح عنهم و غيره و غيره
طب و احنا مالنا
و مش عارف كل ما اقرا مقال من دول بحس انه لسان حالنا بنقول (اخي يع مش حلو الكباب)
و تذكرت مسلسل سنبل اما كان محمد صبحي بيقول لدلال (حلو الفول يا دلال)
لماذا نركز على الموضوع ده هل عندنا عقدة نقص جنسي
من الاخر يعني حد يفهمني
يعني احنا بنقول شوف الوحشين دول بس في طيات السطور احس و كأننا نقول يا ريت ناخد حتة من الكيكة
يا اخوان سيبكم من الاسلوب ده و اللي نفسه في حاجة يعملها لماذا ننصب انفسنا مراقبين(لان ما نفعله ليس امرا بالمعروف) لانه لا صوتنا واصلهم و لا هما حيسمعولنا
لكن انه نقعد بالمرصاد ليهم طب اخرتها ايه
زعلانين انه البنات اتعروا في مظاهرة لربع ساعة
طب ما شواطئ العرى مليانة و البنات بتقعد طول النهار سلط ملط
اخدنا ايه بقا
نروح نزعل و نخبط دماغنا في الحيط
و اتمنى انه نتكلم عن عقدنا نحن الجنسية التي نتجت في مجتمع مكبوت تأخر فيه سن الزواج و انتشر فيه الانحراف اكتر من مجتمعاتهم
و لننظر لعيوبنا نحن و الرشوة و المحسوبية و الواسطة
و شغل الارع و الفهلوة و غيره و غيره
حد شاف منكم ميلودي تي في اليومين اللي فاتوا
انا شوفتها امبارح بالصدفة بينما كنت اقلب في القنوات و لقيت واحد بيتكلم و كانه في نشرة اخبار
فقولت ايه ده ميلودي بتذيع نشرة اخبار
و قال محذرا انه متابعة ميلودي افلام قد تؤدي الى توتر العلاقات الزوجية
مفهمتش
راحوا قطعوا وجابوا واحد في منتهى الاغراء يعني مش عارف جابوها من فين و وواقفة بتغري جوزها
هنا حقيقة انه كده انا مش حصدقك يا ميلودي يعني بامانة مفيش راجل في العصر ده يقف امام طوفانها يعني لو كنا عايزين نعلن و نروج لنفسنا لازم نعتمد على المصداقية
مش عايز اقولكم و لا اوصف لكم في اللبس و ايه اللي فوق و ايه اللي تحت حاجة بتنجان خالص
و قبل ما احول (بصراحة انا كنت مسلوب الارادة و لقيت نفسي متبنج)
لقيتها قفزت على حجر جوزها و مش عايز اقولكم ايه اللي حصل اصل ال 30 سم في ال 30 سم المتبقية من حيائي الذي لم يحطم تمنعني من قول ما حصل
و جوزها لسه متابع ميلودي افلام
انا بس عايز اعرف هما بيجيبوا البنات دي من فين (واحد قاللي في محل في اول منزل كوبري امبابة)
و ثانيا يا ميلودي بلاش فشر مفيش راجل حيقعد كده يتفرج عليكي جمب جبل الاغراء و الفتنة ده
حد حيقوللي عيب عليك يا راجل (انا مش راجل انا شاب عنده 24 سنة) بس اكيد راجل يعني
بس انا عايز اكون عيل و تكون امي هيفاء وهبي
لانه بصراحة بحقد على الواد اللي طلع معاها في اغنية بوس الواوا يا رب تطلع في نفوخك واوا يا هيفاء عقدتينا في طفولتنا كلنا
الواد خد شوية دلع حيكفوه بقيت عمره و لو عاش مليون سنة
و حسيت و انا بتفرج عليه انه انا معشتش طفولتي
يوسف معاطي في مقالته بالاهرام الاسبوع الماضي ايد كلامي و قال انه افتكر علق الخرطوم و الذي منه
انا مضربتش الحمد لله و كنت مهذب وولد هادي
بس بصراحة مشوفتش الدلع ده و ده خلاني اطالب بالتعويض
و طالبت خطيبتي انها تعوضني و تحن عليا زي هيفاء وهبي
بس ستوب
لقيتني مشدود من ياقة القميص (هو انت بتتفرج على هيفاء وهبي يا عمر) للعلم انا اسمي محمود
بس مش عارف مين جاب عمر و دخله في النقاش
لاء يا روحي انا سمعت بس
سمعت الرعد في ودانك اوعا تجيب سيرتها قودامي تاني
حاضر من عينيا
و ده خلاني في سري افكر في حبوب او حقن ارجع بيها عيل تاني اخد شوية دلع من ماما هيفاء و اكيد حكبر تاني يعني مخسرناش حاجة بعد ما فقدت الامل في انه اتدلع نهائي في بيت ابويا و في بيت الزوجية
الاسبوع اللي فات تلقيت اكتر من 7 ايميلات تهتف و ترجوني انه اكتب في البلوج بتاعي
منها من طالبني بالتحدث عن اخر مشاريعي
منها من طالبني بالكتابة و (****) في مايكروسوفت مع احترامي يا جماعة لاعداء ماكيروسوفت مايكروسوفت ستظل نمبر ون لدهر من الزمان و بصراحة و عن خبرة مقرانة ب اي بي ام و تكنولوجيا نوفيل في فرق واضح لصالح الحجة مايكروسوفت
منهم من طالبني بالاثراء العلنمي و حسسوني انه شيخ طريقة
و منهم من طالبني بالكتابة الادبية يعني حسوا انه مقالاتي بتعبر عنهم
اشكركم يا جماعة و سأعود باذن الله بمقالات منها اللاذعة و الكوميدية و ان شاء الله لا اخيب ظنكم
طب اعمل ايه يعني
اشد في شعري
و انا شغال على الكلاستر كان من احد مهامنا انه نعمل active directory sites علشان الدول الفرعية التي توجد بها فروه المنظمة
كله كان شغال تمام بس ال recipient update service مش عارفة تعمل ابديت لليوسرسز في بعض الدومينات
و بعد جهد جهيد حليتها
ال rus لسه تعتمد على النتبيوس في حل الاسامي شوفتوا الخيبة حتة وينز ب 3 مليم حل المشكلة بس كانت غريبة اوي دي
معلشي يا جماعة ان كنت غبت فترة شهر و نص و حرمتكم من مقالاتي المبدعة
بس فعلا كنت مفحوت في الشغل و مش لاقي وقت اهرش فيه
حتقولولي كنت فين يعني
كنت في احد المنظمات العالمية التابعة للامم المتحدة اسف مش جقدر اقول اسمها بعمل ابجريد و مايجريشن هناك في واحد من اكبر المشاريع اللي دخلتها حتى الان المشروع كنت فيه مع مستشارين من مايكروسوفت و ليلة تقيلة
برضوا كان في كام مشروع على الماشي في كام حتة ححكيلكوا بس حبة حبة
من قيمة كام يوم و انا ماشي على كوبري 6 اكتوبر لقيت اوتوبيس مكتوب عليه القرية الذكية و شارخ على الصحراوي
مشيت وراه حب و فضول قولت ابص على عباقرة البلد
و بعد انتهاء مطاردتي له حسيت بالاهانة الشديدة
يعني ايه القرية الذكية
يعني هل هذه القرية الوحيدة التي تتسم بالذكاء في البلد دي
، و لا الحكومة بذلت مجهود اضافي لمنح العاملين بها ذكاء اضافي عن باقي المصريين ليصبحوا اذكى فاستحقول اللقلب (ادوهم لبوس تفكير و حقن عبقرية)
و ان كان فهل معناه انه انا كده غبي ، يعني و الناس التانية ذكية بس و ان كان عند الحكومة اللبوس و الحقن المزعومة طيب ميوزعوا على الشعب الغبي اسف للتعبير الحكومة هي اللي بتقول يا جماعة
حل تاني يتم اضافة و الحاق الذكي على اسم كل محافظة يعني القاهرة الذكية و الاسكندرية الذكية و البحيرة الفهلوية و هكذا يعني اسوة بالقرية اللي طلعت في البخت دي
و يمكن يتم عمل مسابقة كل سنة لاطلاق لقب من الالقاب على المحافظة
يعني ايه القرية الذكية و مين اطلق الاسم الجميل ده
الاجابة الاولى طبعا لاء
، مساكين المديرين في كل مكان مكروهين و كل الموظفين بيدعوا عليهم
بس بامانه قبل ما تقول انا بكره مديري يا ترى سألت نفسك هو ليه خصملك الاسبوع اللي فات؟ و لا حرمك ليه من الترقية و لا فقعك انذار ليه يعني يا ترى جيت في ميعادك متأخرتش ، و عملت شغلك مقصرتش ،كتبت الريبورت اللي طلبوا منك ، نفذت المشروع اللي كان مطلوب منك و لا عكيت فيه و لا خفت و روحت خليت زميلك يعملوا و روحت و انت فاشخ بئك و ادعيت انك عملته
و الكل هارش انك حنامي (بلاش اقول حرامي علشان الناس متزعلشي)
يعني الحق حق ، في ناس حتقول اني معقد نفسيا و من متتبعي السلطة لا في ناس حتتهمني اني دلدول و بريالة و خرع
بالعكس انا اصل كان في نقاش من كام زميل ليا و كلهم طبعا كانوا بيحبوا مديرنا مووووووووووت
فللاسف واجهتهم بالحقيقة و خسرت بعضهم خسارة السعودية في كاس العالم بس دي الحقيقة كتير منا متصورين انه المديرين بيضطهدوهم هم لمجرد الاضطهاد مش شايفين العك اللي بيعملوه في شغلهم صحيح في مديرين ولاد 
بس الغالبية اللي كلنا شايفينها
اغلب من الغلب و كتير منهم لو تصدق بيقبض اقل منك لو انت راجل تكنيكال و هو اداري على اد حاله
يعني بلاش نظلم المديرين و نبص لنفسنا شوية و لو انت مديرك من الفئة التانية ملكشي غير تعمل زي تدعي عليه
اصل انا برضوا بحب مديري اوي انا كمان
، على فكرة و بامانه انا بحب مديري جدا محمد مرزوق لانه شخصية محترمة جدا و من الناس اللي بتقدر البشر اللي بيشتغلوا معاهم
بجد مش ارع و الله بس الافشة الاخيرة جت لزم الضحك و الحبكة الكوميدية بس
اطلعت على الادراجات و بعض البلوجات في المنتدى اكتشفت عالم مثير فبين ناس كوميدية طحن لناس عايشة في البرنجان المقلي لناس خطر على المجتمع و مريضة بامراض نفسية هائلة و غالبا انا انضميت ليهم لما قريت بلوجاتهم 
و بقيت سايكو انا كمان
حتقولولي ليه
اطلع على اي بلوج بتاع بنت حتلاقيها معقدة و حاسة انها مضطهدة و محبوسة يا اما شايفة انه المطبخ ده اهم حاجة و لو ان الفكرة الاخيرة دي لا بأس بها
اطلع على اي بلوج بتاع شاب تلاقيه بيحب في الهوا و في حبيبة فقعته بمبة صاروخية طلعت من نافوخه و برغم عمليات الترقيع التي قام بها الزمن لجمجمته الا انه بيجيلوا صداع فكري من الازمة دي
الناس حزينة و مهمومة و لا البشر كده و انا مكونتش واخد بالي
اتمنى انه الاقي برنامج بيعمل سكان على ادمغة البشر و يطهرها من فايروسات الحزن دي
فكرك زميلتي اللي قاعدة في المكتب جمبي ده لو كتبت بلوج حتقول ايه
و لا مديري انا نفسي اشوف البلوج بتاعه
عجبي
بصراحة الفيلم عجبتني فكرته اوي
يعني فين متروح الموت وراك وراك و مش حتعرف تهرب منه
صحيح انه تم عرض افكار وثنية او غير متوافقة مع الدين الاسلامي بس ساعات انت بتاخد ما يتفق معاك يعني هي كل الافلام العربي يعني متوافقة مع الدين ما علينا بلاش كلام في السياسة
مخطط الموت و انت فين على القائمة ؟ متى ستحين الساعة اسئلة بصراحة كانت محيراني انا شخصيا بدون عرضها في الفيلم و يمكن اتشديت للفيلم لانه افكاره جائت متوافقة مع اسئلتي
انا مش بخاف اني اموت ، انا خايف اني اموت قبل ما اعمل حاجة مفيدة و خايف على زعل المحيطين بيا يا رب مد في عمري لحد ما شوف مصر بلد نضيفة و جميلة و متقدمة و اكون انا طوبة في وسط الجدار
بحكم شغلي و ارتباطه بامن المعلومات كنت من زمان اسمع عن كورس ال CEH من ال EC council و كنت حموت الا اتعرض لمواد الكورس و لكن لانشغالي بكورسات سيسكو و مايكروسوفت
المهم مرت الايام و جاء الوقت
دراستها و وواجهت صعوبة في الكتب المهم حصلت عليها من واحد في ماليزيا مقابل 500 ميجا كتب
المهم في رأي الشخصي الكورس اي كلام في اي كلام فهو يتكلم عن ادوات معينة و يرح لك طريقة استخداملها و معظمها ادوات قديمة لا تصلح لاختراق اي شئ الان حتى الفيروسات و التروجنات كانت قديمة اوي من 3 سنين فما بالك بالان يعني يتكلم عن النت باس و الباك اوريفيس فين البرورات و الاوبتكس و غيرها من التروجنات المتقدمة
كما ان كتاب الكورس لا تتحدث عن لا يشرح مثلا ما هي ال authentication او ال NTLM
و بعد ما تكمل الكورس هل ستكون قادر على اعداد سياسة امنية لشركتك و تأمين البنى التحتية لشبكة المعلومات الخاصة بك ، لا اظن ذلك
كورس ال security من ماكيروسوفت مع انه مش من الكورسات المتقدمة في الام لكنه في تقييمي الشخصي جامد جدا و اقوى بمرات من الكورس ده
انصحك باخذ الكورس فقط و فقط اذا كان عندك وقت فاضي و مش لاقي حاجة تعملها غير ذلك ما تدفعشي فلوس و تضيع وقتك في كورس اي كلام زي ده
