التيتا في الننا و الننا في التيتا

برغم انه المفروض انه بلوجي يكون محترم لاني اسعى لدرجة ال MVP فالمفروض انه اضفي صيغة علمية على البلوج و احترم نفسي بس للاسف انا مش عارف احترم حد لانه حد مش بيحترم نفسه مع احترامي لكل حد و اتنين و خميس

امس كنت في احد الشركات الكبيرة اوي عند صديق لي طلب مساندتي في تركيب exchange 2003 و روحت و بم اني بركب اكستشينج على كلاستر مرتين في الاسبوع على الاقل فالموضوع كان كيكة سهلة (انا كنت متصور كده) يا لسذاجتي

المهم روحت حطيت الاسطوانة و اشغل ال setup الخاص بال forestprep السيت اب يختفي و يروح ميرجعشي

غيرنا السي دي درايف

غيرنا السي دي

جبنا دي في دي

و طبعا في عباقرة في الخلف (العيب في الدرايفرات) و (العيب في الويندوز) واحد افتى انه العيب في الماذر بورد ردوا انتوا انا مش حرد

المهم من خبرتي انا حسيت انه الاكتيف دايرمكتوري ملعوب فيه ، لانه الاكستشينج حساس جدا ليه، ففتحت الاكتيف دايركتور و ال evet viewer لقيته متخربق احمر يا مرسي

ابص الاقي انه الدومين كونتروللر dc1 مش عارف يعمل replication مع الدومين التاني home (واحد ذكي حيقوللي طب الدومين الكونترولر الاولاني اسمه dc1 يبقا التاني المفروض اسمه dc2 حقوله يعني هو السيت اب باظ علشان عيب في المازر بورد)

المهم انه اكتشف انه الدومين كونترولر معملشي ريبليكشيت بقاله 3 شهور (حد يقول اي حاجة) قولتله هو فين الدومين كونرولر التاني) قاللي هو ليه لزمة  قولتله انت عملت فيه ايه فرمته ؟؟؟ قاللي لاء بس طفيته لانه ملوش لزمة

واحد يقوللي انا لو مكاني اعمل ايه

ما علينا

قضيت وقت لطيف وانا بصلح في الدنيا (طبعا الاكتيف دايركتوري وقف الريبليكشين بين الاتنين دومين كونترولر لانه في objects على السيرفر الجديد تم مسحها و تحديثها و السيرفر القديم لا زال محتفظ بيها لذا تجنبا للعك تم وقف الريبليكشين)

جبت السيرفر المطفي اون لاين

و مشيت كما في المقالة دي

http://technet2.microsoft.com/WindowsServer/en/library/34c15446-b47f-4d51-8e4a-c14527060f901033.mspx

قمات كل حاجة اشتغلت زي الفل و تم عمل ال replication و الدنيا قامت و اشتغل السيت اب

طالما انتوا مش قد افلام الرعب بتتفرجوا على تشانل تو ليه

مع اعتذاري لصاحبي و عزيزي